رزق الله على أيام زمـــــــــــــــــان

الأحد أكتوبر 26, 2008 2:24 pm

أيام زمان مرت مع الأزمان

عزيزي القارئ وش رايك نسترجع أيام زمان مع عصرنا الحالي ,,,

يعني مو بعيده أيام زمان بس قبل 50 سنة تقريبا ...

(( الشهادة والتعليم ))

زمان ... كانت الشهادة تنفع وتخليك مدير ..

هالوقت ... الشهادة الجامعية لوحده ما تكفي ولاّاا تصير زي واحد معه محو أمية ,,,

(( الريال ))

زمان .. الريال كان له قيمة حتى الهللة يستفيدون منها ,,

هالوقت ,, الريال صار ما يجيب الا بيبسي ,,,

(( الزواج ))

زمان .. كانت أمور الزواج ميسرة وقليلة العنوسه ...

هالوقت ... العنوسة تزيد كل سنه والزواج تكاليفه تهد الحيل ,,,

(( الجيران ))

زمان .. الجار للجار حتى يروحون معك للمناسبات ويشاركونك أفراحك وأحزانك ... وتحس اللي جنبك أهلك مو جارك ...

هالوقت .. الجار ما يدري عن الثاني !!!

و اذا طق عليك أحد قلت وش يبي هذا ؟؟؟ >> والله جيران مزعجين ...

(( الأكل ))

زمان ... كان صنف واحد يشبعك وطعمه ما ينتسى ... حتى الخضرة كان لها فايدة ,,

هالوقت .. تحط بالسفرة أكثر من صنف ولا واحد يشبع بطنك

و نصف صندوق الخضرة تاكله والباقي بالزباله >>> ذبحنا هالكيماوي

(( الوصل والأقارب ))

زمان .. كان بالبيت فيه أكثر من 20 شخص الأم والأب وعيالهم وحريمهم واطفالهم0 >>> وعايشين مرتاحين ..

هالوقت .. كل واحد يبي غرفة لحاله ,,, واذا تزوج وطلع ...

ما يزور أهله الا بالمناسبات على حسب أشغاله ...

((( العيد )))

زمان ... العيد يفرح فيه الكبير والصغير ويومه ما ينتسى ...

هالوقت .. العيد ما يفرح فيه الا قلة من الأطفال وصار للكبار يوم عادي فيه تسليم وتأدية واجب عائلي ...

* * * * * * * * * * * * * * * * * * * *

هذا بعض من مقتطفات الحياة المختلفه ولكن لو خيّرت العيش بأيام زمان أو هالوقت الحالي ؟؟ ماذا تختار !!!؟؟؟

أنا ما عشت فيها بس ياريت ناخذ منها ونضيفها على أيامنا يمكن يسنع حالنا ...

وعلى قولة أهل الشام

رزق الله على أيام زمان